تحية من عمال كوكاكولالرياضي نورالدين*احمد العربي*

وتستمر المشاعر الطيبة من العامل الصديق القديم لرفيقه في العمل الاخ رياضي
***************

باش تكون عندك أسرة وكتعيش فشقة بالطريطة وتغامر بعملك واستقرار أسرتك وتسعى لزرع الاستقرار في عديد الأسر والمظلومين والمضطهدين خاص تكون سميتك نور الدين رياضي
***********
هداك السيد خاصو تمتال. الرجولة. تقدر تسولو نور الدين شنو ربحتي من هادشي لي كتدير خليتي خدمتك كون دابا شاد التقاعد بصالير مطرطق غادي يسكت يقدر ما يلقاش جواب منطقي باش يقنعك لكن غير دعوات المظلومين الباكين تكفيه عزا ونصرا إلى يوم الدين تقدر تسولو واش إلى رجعتي للوراء تقدر تدخل فهاد التجربة غادي يقوليك اكيييد. علاش حيت راه ربي لي سخرو للناس وربي لي عطاه هاد القوة والزعامة والصبر
*****************
راه والله ما يقدر يبدل المبادىء ديالو ولو بكنوز الدنيا. داكشي ديال الله انا هاكا داير هكا وغادي نبقا هكا. جوه سوي كوه جو سوي وهادشي عاجبني لي ما فراسكش راه ما خلاو مراتو وعائلتو راه غادي يخرج عليكم وعلى رزق ولادو ويخرج على راسو مالو على هادشي كلشي ديالو ياخد لي بغا. لكن رفض جميع التهديدات والمغريات لا من خوتو ووالديه ومراتو. حتى شخص ما قدر يزعزع ولو شعرة فيه هادشي لي خلاني نحتارمو اكتر فاكتر عمري ما شفت الضعف فعينيه لدرجة شي أشخاص كيسمعو رياضي رياضي ملي شافوه هدا هو لي مرون الدنيا قد هكا هدا هو رياضي. اييييه هدا هو سي نور الدين رياضي
************************
انا اقول الحقيقة هداك السيد عندو فضل عليا وعلى الآلاف من الأشخاص ولي كيقول عكس هادشي راه غير جبان رعديد. لا راه كانو عندو أهداف سياسية وكذا ومن بعد أسي راه إلى دخلتي لحرب خاصك تقوي راسك وخاصك تبحت على حلفاء بغيتي تبقا بوحدك مضور إدارة ونقابة ووزارة وخونة. اذن راك ضعيف ولا تصلح لشيء خصوصا فديك الوقت وانا أعي ما اقول اخي